Sportlichi Höhenflüg a
zwöi Fescht­wuchenände

Vom Einzelwettkampf über d'Spiel bis zum grosse Vereinswettkampf: Am Talturnfescht 2027 zeigt sich die ganzi Vielfalt vom Turnsport. Und nach em Wettkampf wird gfäschtet.

D'Aamäldig vom Talturnfest isch offe. Juhu!

Für d'Planig sind mer uf euchi Mithilf aagwiese. Mer bitted euch, euchi Aamäldig möglichst bis am 23. Oktober uszfülle. Damit mer d'Anlagekapazitäte für d'Wettkämpf so guet wie möglich chönd uusschöpfe und betreffend Aareis, Übernachtig und Sicherheit alls im Griff hend, bruche mer alli Wettkampfdiszipline sowie d'Aazahl Turnendi und Festkarte. Mer bitted euch, das möglichst gnau uszfülle. Bis zum Aamäldeschluss am 15. November chönd er das no ändere.

Als Leiterpriis gits es regionals, in Handarbeit aagfertigts Holzbrättli mit Schniidmässer. Beides treit s'Talturnfest-Logo und isch somit e praktischi Erinnerig a euses Fescht.

Jetzt Verein aamälde Wettkampfvorschrifte aaluege →

Was wänn lauft

11.–20. Juni 2027, verteilt uf zwei Wuchenänd.

1
Erschts Wuchenänd

Fritig oder Samstig 11. oder 12. Juni

  • Einzelturne

Samstig 12. Juni

  • Einzelgeräteturne
  • Spiel
  • PluSport Behindertesport Aargau

Sunntig 13. Juni

  • Vereinswettkampf Jugend
  • 4. Wettkampfteil, s'Fäschte
2
Zwöits Wuchenänd

Fritig und Samstig 18. und 19. Juni

  • Vereinswettkampf Aktivi
  • Fraue / Manne
  • Seniore

Sunntig 20. Juni

  • Plauschwettkampf
  • Schlussfiir
  • Rangverlese
  • 4. Wettkampfteil, s'Fäschte

Ohni Wertigsrichter kei faire Wettkampf

Für en faire Wettkampf simmer uf gnueg guet usbildeti und brevetierti Wertigsrichter aagwiese. D'Wertigsrichterkürs werded laufend uf de Website vom STV publiziert. Frage zum Iisatz als Wertigsrichter am Talturnfescht? Mäld di bi richter@talturnfest.ch.

Zu de Kürs vo de STV Academy →

D'Wettkämpf im Detail

1. Wuchenänd

Einzelwettkämpf

Bi de Einzelwettkämpf stönd d'Diszipline Turnwettkampf, Gymnastik, Aerobic und Einzelgeräteturne im Mittelpunkt. Im Fokus stönd debii de persönlich Ehrgiiz vo de Teilnehmende und d'Freud am Sport.

Spiel

Bim Fuustball, Schnurrball, Netzball und Volleyball spielt näbe de guete Platzierig au ganz klar de Spass am gmeinsame Wettkampf e grossi Rolle. Sei debii und miss di mit andere Teams.

Vereinswettkampf Jugend

Im Vereinswettkampf vo de Jugend rückt de Nachwuchs is Zentrum. Wenn sich d'Chind und Jugendliche i Diszipline wie Geräteturne, Liichtathletik, Spieltests oder em Hindernislauf mässed, entstönd dur ihri Begeischterig, ihre Ehrgiiz und de Teamgeist spannendi Wettkämpf für Zueschauendi und Teilnehmendi.

PluSport

D'Wettkämpf vo PluSport Behindertesport Aargau hend in eusem Festprogramm en bsundere Stellewert. Im Zentrum stönd d'Freud a de sportliche Betätigung und s'Mitenand: e bericherndi Erfahrig für Athletinne, Athlete und s'Publikum. D'Begeischterig und s'Engagement vo allne Beteiligte mached die Wettkämpf zu eme wertvolle, inspirierende Ereignis, wo zeigt, wie wichtig Inklusion und Gmeinschaft sind.

2. Wuchenänd

Vereinswettkampf Aktivi, Fraue/Manne & Seniore

Am zwöite Festwuchenänd dräiht sich alles um de Vereinswettkampf vo de Aktive, Fraue/Manne und Seniore. D'Verein träted i diverse Diszipline und Stärcheklasse gegenand aa und zeiged iidrücklich d'Vielfalt vom Turnsport. Nach de spannende Wettkämpf chunnt s'«Fäschte» natürlich ned z'churz. Ob usglasse oder gmüetlich: im 4. Wettkampfteil isch für jedi und jede öppis debii!

De Lageplan: s'Festgländ uf ein Blick